بدأت قصة انتفاضة الأخوين الزمر، بعد قرار الإفراج عنهما، إثر قضاء أكثر من ثلاثين عاماً في السجن على خلفية قضية مقتل الرئيس الراحل السادات.
ورغم عدم فهمي -حتى الآن- لسبب عدم إعدام الأخوين، فإنني أحترم قرار المجلس العسكري الإفراج عنهما، على الرغم من "قهرتي" من هذا القرار! ولكن لا بأس.
ولقد ظننت خطأ أن الأخوين هيروحوا يكنوا في بيتهم في البلد، ويعيشوا اليومين اللي فاضلين لهم في حالهم، بعيدا عن عيون الناس، عشان هم طبعاً قتلة ومجرمين، ومش أي قتلة، دول قتلة السادات -بطل الحرب والسلام- ولكن الغريب بقى إن الإعلام الجميل بتاعنا تعامل معهما على أنهما كانوا مسجونين سياسيين مش أكتر، وفضلوا يقرفونا كل شوية في التليفزيون، والجرايد والمواقع تكتب، وتتعمل معاهم حوارات، ورغم –برضه!- قهرتي تاني وتالت ورابع، بس ماشي، نعديّها المرة دي كمان!
لكن بقى لما توصل إن الأخ طارق الزمر يأجل زيارته -مش عارفة لأنهي داهية- عشان يروح مع الوفد الذاهب لإمبابة يهدي الناس اللي هناك، زي ما يكون ضمن وفد الأزهر مثلاً، ولا جاي مع عمرو خالد لا سمح الله! وفي نفس اليوم، محافظ أسيوط يستقبل الأخ التاني عبود الزمر بعد الاجتماع اللي اتعمل أمام مسجد الجمعية الشرعية، بحضور أكتر من 14 ألف بين آدم، وموقع الصعيد أون لاين يقول لك كان (استقبالا حافلا)، يبقى إيه بقى إن شاء الله؟!!!
بأمارة إيه المحافظ يستقبل واحد قتل أو شارك في قتل السادات؟ وليه؟ وعشان إيه؟ وإيه معناها؟ وعايز يقول إيه؟ حمد الله على السلامة، نحن نؤيد ونبارك العملية الإرهابية اللي قمت بيها..ولا إيه بقي!!!
والأنأح من ده كله، عم الزمر بيقول لك إحنا هنشارك في بناء كنايس إمبابة اللي اتحرقت، يا أخي ده إنت بجح قوي!! هي الناس نسيت ولا إيه؟ هو مين اللي عمل الناس اللي حرقت وهدمت دي؟ مين اللي دخل الفكر المتخلف والمتشدد والقتل والانتقام والقرف ده؟ مين غيرك إنت وأمثالك! إنت جاي دلوقتي تقول هنبني! تبني إيه ولا إيه، ومين اللي يبني؟ إنت؟؟ صحيح يقتل القتيل ويمشي في جنازته!!
أنت لا تعرف البناء، أنت لا تعرف غير الهدم والقتل، وإيدك لسّه فيها دم السادات، روح اغسلها الأول وتعالى... بس ماتجيش وسطنا، روح اقعد في بيتكم.. استغفر ربنا سبحانه وتعالى على جريمتك، وقبل كل ده، والنبي تخليك في حالك!!
ورغم عدم فهمي -حتى الآن- لسبب عدم إعدام الأخوين، فإنني أحترم قرار المجلس العسكري الإفراج عنهما، على الرغم من "قهرتي" من هذا القرار! ولكن لا بأس.
ولقد ظننت خطأ أن الأخوين هيروحوا يكنوا في بيتهم في البلد، ويعيشوا اليومين اللي فاضلين لهم في حالهم، بعيدا عن عيون الناس، عشان هم طبعاً قتلة ومجرمين، ومش أي قتلة، دول قتلة السادات -بطل الحرب والسلام- ولكن الغريب بقى إن الإعلام الجميل بتاعنا تعامل معهما على أنهما كانوا مسجونين سياسيين مش أكتر، وفضلوا يقرفونا كل شوية في التليفزيون، والجرايد والمواقع تكتب، وتتعمل معاهم حوارات، ورغم –برضه!- قهرتي تاني وتالت ورابع، بس ماشي، نعديّها المرة دي كمان!
لكن بقى لما توصل إن الأخ طارق الزمر يأجل زيارته -مش عارفة لأنهي داهية- عشان يروح مع الوفد الذاهب لإمبابة يهدي الناس اللي هناك، زي ما يكون ضمن وفد الأزهر مثلاً، ولا جاي مع عمرو خالد لا سمح الله! وفي نفس اليوم، محافظ أسيوط يستقبل الأخ التاني عبود الزمر بعد الاجتماع اللي اتعمل أمام مسجد الجمعية الشرعية، بحضور أكتر من 14 ألف بين آدم، وموقع الصعيد أون لاين يقول لك كان (استقبالا حافلا)، يبقى إيه بقى إن شاء الله؟!!!
بأمارة إيه المحافظ يستقبل واحد قتل أو شارك في قتل السادات؟ وليه؟ وعشان إيه؟ وإيه معناها؟ وعايز يقول إيه؟ حمد الله على السلامة، نحن نؤيد ونبارك العملية الإرهابية اللي قمت بيها..ولا إيه بقي!!!
والأنأح من ده كله، عم الزمر بيقول لك إحنا هنشارك في بناء كنايس إمبابة اللي اتحرقت، يا أخي ده إنت بجح قوي!! هي الناس نسيت ولا إيه؟ هو مين اللي عمل الناس اللي حرقت وهدمت دي؟ مين اللي دخل الفكر المتخلف والمتشدد والقتل والانتقام والقرف ده؟ مين غيرك إنت وأمثالك! إنت جاي دلوقتي تقول هنبني! تبني إيه ولا إيه، ومين اللي يبني؟ إنت؟؟ صحيح يقتل القتيل ويمشي في جنازته!!
أنت لا تعرف البناء، أنت لا تعرف غير الهدم والقتل، وإيدك لسّه فيها دم السادات، روح اغسلها الأول وتعالى... بس ماتجيش وسطنا، روح اقعد في بيتكم.. استغفر ربنا سبحانه وتعالى على جريمتك، وقبل كل ده، والنبي تخليك في حالك!!
ليست هناك تعليقات:
إرسال تعليق