واضح أن القدر لعب لعبته للمرة التانية، ويظهر إني مصرة أموت بعد تطبيق الحد عليا من أخونا العم يعقوب!
فللمرة الثانية يستفزني أشد الاستفزاز، ويرفع لي الضغط، ويجيب لي القولون العصبي اللي ملتهب عندي خلقة بفضل جهوده المشكورة هو وآخرون!!
قال لك إيه بقى المرة دي ؟! إن الاتصال -غير الجنسي طبعاً- بين الولد البنت في الجامعة يبقى "زنا وحرام"..والنبي لو كان قال "زي الزنا" حتى..كنت عدّيتها، بس هو اللي جابه لنفسه بقى.
أنهي اتصال ده ياخينا إنت؟ إنت مركز في اللي بتقوله ده فعلا.. ولا شارب ولا واخد حاجة معينة مثلاً؟!
أنهي عقل وأنهي دين وأنهي فكر وأنهي حمار يصدق ولا يقتنع بالكلام ده؟ فهمني يمكن لما أفهم أبقى لطيفة معاك مرة واحدة قبل ما أموت!!
يعني لما البنت بالصلاة على النبي كده تكلم ولد تبقى زنت؟
ولو طلبت منه كشكول مثلاً تبقى زنت؟
طب لو اجتمعوا لا سمح الله يعني عشان بعيد عنك يذاكروا مثلا، ولا حد يشرح لحد حاجة، يبقى ده زنا برضه؟
طب لو كانوا مجموعة يبقى زنا جماعي بقى ولا إيه؟
هل هذا هو الإسلام يا رجل؟ وأين سمعت هذا الكلام أو تعلمته وعلى يد أي شيخ؟! وهل ورد في نفس القرآن الذي نقرأه نحن؟ أم أن لك قرآنك الخاص وشرعك وعقيدتك وسنتك؟!
بنسأل بعض كل يوم وكل دقيقة، هو إحنا ليه متخلفين؟ هو ليه الغرب متقدم وإحنا ولاد كلب جهلة! هو إحنا ليه حالنا مايل كده على طول؟ وليه العالم بيتحكم فينا كده؟ وليه دايماً بنقول لنفسنا إحنا اللي صح و100% إحنا المصريين الكويسين المؤدبين الحلوين الشاطرين، والعالم كله كفرة!!
أنا عارفه ليه، مش بس عشان في وسطنا أمثالك بأفكارهم الغريبة الشاذة، لأ كمان عشان في وسطنا اللي بيسمعوا الخرافات دي ويصدقوها! عشان لسه فيه ناس بتسأل أدخل الحمام باليمين ولا الشمال! أصلي بالبنطلون ولا الجلابية! ولما أعطس أقول إيه! ولمّا أصلي أحط إيدي اليمين على الشمال ولا جنبي! وعشان فيه ناس بتقول لك "يا شيخنا"!!
سؤال: هو مفيش في حياتنا وعقلنا ودنيتنا غير الجنس عشان نفكر فيه قوي كده؟ هو كل أمور حياتنا مرتبطة بالزنا..ورضاعة الكبير والصغير؟
هو إنتم بجد مصدقين إننا متخلفين عشان إحنا مش شعب متدين على حق.. وأغلبنا مش منقبات وبجلاليب قصيرة؟
ولما نبقى متدينين على حق (زي ما إنتم فاهمين الدين) هنكون أجدع ناس في العالم؟
دي تبقى مصيبة لو إنتم مصدقين بجد..ويا رب تكونوا بتعملوا علينا نصباية ونطلع إحنا أغبياء!!
فللمرة الثانية يستفزني أشد الاستفزاز، ويرفع لي الضغط، ويجيب لي القولون العصبي اللي ملتهب عندي خلقة بفضل جهوده المشكورة هو وآخرون!!
قال لك إيه بقى المرة دي ؟! إن الاتصال -غير الجنسي طبعاً- بين الولد البنت في الجامعة يبقى "زنا وحرام"..والنبي لو كان قال "زي الزنا" حتى..كنت عدّيتها، بس هو اللي جابه لنفسه بقى.
أنهي اتصال ده ياخينا إنت؟ إنت مركز في اللي بتقوله ده فعلا.. ولا شارب ولا واخد حاجة معينة مثلاً؟!
أنهي عقل وأنهي دين وأنهي فكر وأنهي حمار يصدق ولا يقتنع بالكلام ده؟ فهمني يمكن لما أفهم أبقى لطيفة معاك مرة واحدة قبل ما أموت!!
يعني لما البنت بالصلاة على النبي كده تكلم ولد تبقى زنت؟
ولو طلبت منه كشكول مثلاً تبقى زنت؟
طب لو اجتمعوا لا سمح الله يعني عشان بعيد عنك يذاكروا مثلا، ولا حد يشرح لحد حاجة، يبقى ده زنا برضه؟
طب لو كانوا مجموعة يبقى زنا جماعي بقى ولا إيه؟
هل هذا هو الإسلام يا رجل؟ وأين سمعت هذا الكلام أو تعلمته وعلى يد أي شيخ؟! وهل ورد في نفس القرآن الذي نقرأه نحن؟ أم أن لك قرآنك الخاص وشرعك وعقيدتك وسنتك؟!
بنسأل بعض كل يوم وكل دقيقة، هو إحنا ليه متخلفين؟ هو ليه الغرب متقدم وإحنا ولاد كلب جهلة! هو إحنا ليه حالنا مايل كده على طول؟ وليه العالم بيتحكم فينا كده؟ وليه دايماً بنقول لنفسنا إحنا اللي صح و100% إحنا المصريين الكويسين المؤدبين الحلوين الشاطرين، والعالم كله كفرة!!
أنا عارفه ليه، مش بس عشان في وسطنا أمثالك بأفكارهم الغريبة الشاذة، لأ كمان عشان في وسطنا اللي بيسمعوا الخرافات دي ويصدقوها! عشان لسه فيه ناس بتسأل أدخل الحمام باليمين ولا الشمال! أصلي بالبنطلون ولا الجلابية! ولما أعطس أقول إيه! ولمّا أصلي أحط إيدي اليمين على الشمال ولا جنبي! وعشان فيه ناس بتقول لك "يا شيخنا"!!
سؤال: هو مفيش في حياتنا وعقلنا ودنيتنا غير الجنس عشان نفكر فيه قوي كده؟ هو كل أمور حياتنا مرتبطة بالزنا..ورضاعة الكبير والصغير؟
هو إنتم بجد مصدقين إننا متخلفين عشان إحنا مش شعب متدين على حق.. وأغلبنا مش منقبات وبجلاليب قصيرة؟
ولما نبقى متدينين على حق (زي ما إنتم فاهمين الدين) هنكون أجدع ناس في العالم؟
دي تبقى مصيبة لو إنتم مصدقين بجد..ويا رب تكونوا بتعملوا علينا نصباية ونطلع إحنا أغبياء!!
